Abriga.it il giornale quotidiano online di Aprica e della provincia di Sondrio

Quata storia an “ina segonda uita”!
(“una seconda vita”)

Quata storia nosa, d’abriga,
an dal libar da Alan Poletti!
Storia uiua tignit cünt
ch’an ga se amö an tanc’ da nö
a da testimonianza da quel ch’al dis.

E uarda, uarda che, modestia a part,
a udè, da quèl ch’al dis, da quii por ebrei,
da quel mumènt ch’e uignic’ da nö, an Abriga
i-à truat finalmènt pas e tranquillità,
dopu tati peripizii sübidi an di sö paes

An unor par l’Abriga,
a’ sa l’e miga stac tür rosi e fior,
ma cun la buna conclusiuu a la fin, fi
a’ se dopu peripezii par pasà la fruntera,
idac’ da l’ün e da l’ötar, i-a saluàt la pèl.

An unör e an grazie a l’Alan cun la so spusa,
e ricunusènc' al Cumü d’Abriga
ch’a töc a cör la questüü,
da met an memoria an toch da storia nosa,
ca restarà miga sol da nò, ma an gir,
an da la storia dal mond da quii tep.

Lüisa Moraschinelli:ciao:
Üna ca gh’era!,