l'Abriga al cumpletu a festegià al 50° dal so Pastor

[Luisa]

L’Abriga al cumpletu a festegià al so Pastor.

Le uera ch’al capita miga spes da festegià an 50° da Preat,
e tant pü d’ina metà pasac’ an da la stèsa Parochia.
Mai üdüt tata get a ina festa e an sci be’ urganizzada,
par età e par funzüu.
Cuma an bel giardì cultiuat.
La festa l’e stacia al prim da giugn.
Par l’ucasuu, al cinema d’abriga, ca l’e miga an baitì;
l’era pié zèp cuma mai s’e üdüt.
Le stac’ ina grand surpresa.
Da festi an Abriga an n’à manca miga,
specialméne an tep da stagiuu ma,
quèla da sta serada l'era particolar:
l’Abriga l’era tüta presenta.
Forsi par la prima ólta an d’an ünica Parochia,
la s’e presentada al so Pastor che a stu puntu,
al ga da ocupas, par necessità, da tüti e doi.
Sia quèl ca sia, ma che piasé udè sta unità!.
Dal resta l’e ùnichi a’ li scóli cun tüt al rest.
Ma che bel uedè stu riguglios giardì vivént!
Tüc, par festegià al so Preuat ià dac’ al mei ch’i pudeua:
cun paroli, canzù, müsichi e poesie.
Dai tzetasc’ da l’asilu istruic e guidac, da li Suori ,
e seguic da li söi mami, ’ntat che i i papà,
i tigniua a bada i pü piscinnì che, a la so manera,
i uleua fas sintì ch’ì gh’era a’ lóor..
Le stac’ la ólta da i scular, da prima cun li maestri da la dutrina.
L’e uignit dre qui da li medi cun compic’ pù impegnativ,
cumpres al cuncertinu da flauti, cun a dre la Prof. Polatti,
ca l’à dic sü ina so poesia..
A cumpletà l’opera l’e uignit dre quii granc’ cun:.
a l “ Corpo musicale Aprica”;
al “Coro Gambuer”, e al “ Coro Maria Ausiliatrice”.
I gh’era propri tüc’ a rapresentà al paes, cumpres la part civil,
cun al Sindac, da poc rielet , Carla Cioccarelli e al vice Bruno Corvi.
A la fi, cun i auguri a don Augusto, manifestamènt cumos par stu grand festa, la ringraziat tüc’, cumpres quii ch’i-à culaburat ,
(techich e musicisti cumpres).
Quèsta l’e l’Abriga ca la s’e presentada cun gran unor
a festeggia al 50°, da Mèsa, dal so Capu spiritual, don Augusto Azzalini.
AUGURI don AUGUSTO

Luisa Moraschinelli