Pian di Gembro al scrign da Ivan Monti

[Luisa]

Al scrign da Ivan Monti. (al Piangembru)

Buna l’dea dal scrign par al titul da l’ültim libar da Ivan Monti, ormai da ca’ an quèl d’abriga.
E an scrign an pö cunsiderà al Piangembru an da la so storia pasada, urmai subarcat, e a giüsta rasù, da da Riserva urganizzada e cürada da la Comunità Muntana da Tirà.
Ma la nosa atensüu da nö, da la pasada generazüu, la fa an pas an-dré e sigüramèn l’autor, al sarà miga contrari e pür aprezandu al grand laurà ca l-à fac an dal cap mudernu, da tirà fo quel ca gh’e tè an quel scrign.
Par fala cürta – la turbuiera da Piangèmbru - an da li doi gueri pasadi, sota doi aziendi , l’ha dac’ da laurà a tanti personi, d’abriga an particolar, ma a d’otri dai paesi apröf. Impegnac’ an da l’estrazüu da la torba che, dopu la necessaria laurazuu e facia secà al so, la partiua cun la teleferica, dirèta a la stazüu da Uila e , par feruvia, la uaua a finì an da la Brianza e an dal Milanes a rimpiazà al carbù an da li fabbrichi e da sculdà, d’anveran a’li ca’.
Quèsta la nosa testimonianza direta, se pür söl an part, ma c’as trua an da libar da Ivan Monti, e lê miga tüt! Se pür sota d’otar aspet, g’an è a’ par i giouagn d’an cö par quel ca riguarda pianti e fior a se quèst l’e an otar argumènt.
An grazie al ga uaghi a l’autor par quat da bu e da bel l’ha mes an quel so scrign ciamat:
- Uno scrigno di Piandi Gembro –
an uèndita.
Luisa Moraschinelli