Al lauècc' da marènch dal poor Pineli

[Luisa]

Al lauècc’ da marènch dal pôr Pinéli

A sintî di` che, da stu tep, a Tei (Teglio) ià truàt munedi söta tera,
mà sö dicc:
“öt uedè che a la fin-fi al salta fo a’ al lauècc pié da marènch dal pör Pinèli?”.
Al pör Pinèli l’era an om di me tep, agn 30-40.
L’era al padrû da la bèla ca da stile uèc.
sacrificada ai nos di, an font a la cuntrada d’abriga.
L’era an mè uisi da ca’,ai tep.
An om da grand fantasia a’ se asè spert,
da uèch a l’intenu da la so proprietà, cun la ca’,
la so stala be furnida da bes-ciam ,
e cap e prac’ asé da uiv be lü cun la so matèla (la Maria pinèla)
e l’otra fiöla maridada an da la ca’ di front ( an ghe ca so nasüda a’ mi).
Al pör Pinèli, cun tüti li söi bèli uirtü, al gaua quèla da ina gran fantasia.
I striu, li fati, i fantasmi da ogni gener, l’era la so compagnia;
al n’à ‘ncuntraua da par tüt , a ‘nda a li brati a da riua ,
u fo an da li costi, u gio al sölt a laurà i sö cap.
Quèst l’era al por Pinèli.
Par sta an tema cun la questüu di marench, l’era solit cunta’ che:
“lü al gaua miga prublemi par al dumà;
l’aua ‘mpinit an lauècc da marènch e suterat ,
giö al –Sölt ( zona söpra la ualmana)
A di la uerità, an tüc a sti agn, nigü i ga dacc a trà.
ma an da sta surpresa da Tei ma so dici:
“öt uedè che an bél di a’ al lauécc dal pör pinèli,
al uè a gala cun i sö marech?”
Luisa Moraschinelli